Manuals

• English
• Afrikaans
• Zulu
• Sesotho 

Please note, when using the On line Request Forms:

If you do not receive any electronic reply within 2 days

contact Eddie Laubscher 

Tel: +27 11 655 2130

Fax: 0866679952remo

DIREKOTO TSE FUMANEHANG KA HO IKETSAHALLA LE PHIHLELLO YA DIREKOTO TSE JWALO: (Karolo 15 le 52 ya Phahamiso ya Phihlello ya Molao wa Tlhahisoleseding, 2000
(Molao 2 wa 2000)
[Melawana 5A le 9A]

BOEMEDI BA DI-STAKEHOLDER LE THERISANO KA LEANO LE TSHEBEDISO YA MATLA

Eskom e nka di-stakeholders e le tsa bohlokwa haholo bakeng sa kgwebo ya yona mme e ananela karolo yeo di e bapalang le seo ba se buang. Eskom e sebedisana le di-stakeholders tsa yona ka ho ba le seabo diforamong le dikomiti tse nang le mosebetsi o hlophisehileng le tshebedisano le bareki ba yona le babeheletsi. Mmuso o tataisa leano ka hare ho Eskom, ka ho kgethehileng Department of Mineral and Energy Affairs, Department of Public Enterprises le National Energy Regulator. Tlhahisoleseding le bokelletsweng ho tswa dihlopheng tsena e sebediswa ho bona leano ka hare ho Eskom.

Seemo sa bonkakarolo le mosebetsi o hlophisitsweng

Eskom e theile maemo a bonkakarolo le mosebetsi o hlophisitsweng ho etsa bonnete ba hore bahiruwa ba kgona ho susumetsa diqeto tse ba amang. Tsamaiso ya ho susumetsa diqeto e akaretsa, mekhanisimi wa therisano le ho abelana ka tlhahisoleseding. Diqeto di susumetswa ka diforamo tse fapaneng tsa mosebetsi o hlophisitsweng, jwalo ka Business Unit (BU) Forum, Group Forum, Central Consultative Forum,Central Bargaining Forum, Strategic Forum le Restructuring Committee. Dikomiti tsena tse sa tshwaneng le diforamo di hlalositswe ka tlase:

The Business Unit Forum

A Business Unit Forum (BUF) ke seemo se nang le bolaodi ba BU le mmuelli wa basebetsi wa nakwana wa BU. Mmuelli wa basebetsi wa nakwana a ka nna thuswa ke mmuelli wa basebetsi wa kamehla dibokeng tsena.

Ditaba kaofela tse amanang ho buisanwa ka tsona foramong ena.  Ho ya kamoo ho ka kgonehang, diqeto di itshetlehile ka tumellano. Tlhahisoleseding kaofela ya bohlokwa e tla fumaneha ho bohle ba leng ho foramo ho thusa ka dipuisano. Bolaodi bo na le tokelo ya ho etsa diqeto le ho di kenya tshebetsong ka mora tsamaiso ya therisano e se e entswe. Mekgatlo ya basebetsi e na le tokelo ya ho hanana le tsona haeba e sa kgotsofala ka qeto e nkilweng ke bolaodi.

Group Forum

Group Forum e sebetsa ka tsela e tshwanang le ya BU Forum phapang ke hore Group Forum e sebetsana le ditaba tse amang Sehlopha ka tsela e batsi. Foramo ena e latela molaotheo o tshwanang jwalo ka ha o boletswe ho BU Forum.

Central Consultative Forum (CCF)

CCF ke foramo bakeng sa therisano ya setjhaba le ho abelana ka tlhahisoleseding. Ditaba kaofela tse amang Eskom ka tsela e batsi ho sebetsanwa le tsona foramong ena. Melaometheo kaofela e sebetsang ho BU Forum le Group Forum hape e sebetsa le mona.

Central Bargaining Forum (CBF)

Ena ke foramo moo ditumellano tsa meputso le maemo a tshebeletso di etsahalang teng selemo le selemo. Ditaba tse sebeditsweng foramong ena tse amang Eskom ka tsela e batsi ho ka etsahala hore di se sebetswe foramong leha e le efe. Haeba ditaba di hlahiswa ke CCF kapa BU Forum, ho hlokahala hore di romelwe foramong ena.

Strategic Forum (SF)

Ena ke foramo moo ditaba tsa leano tse leng leveleng e hodimo le ditaba tsa melaometheo tseo ho phehisanwang ka tsona. Haeba ho le jwalo, e dula e le foramo ya ho abelana ka tlhahisoleseding, mme e ka sebediswa jwalo ka sehlopha sa boipiletso bakeng sa maemo a mang. Ba dumellwang ho ba teng foramong ena e lekanyeditswe ho ditho tse kgolo tsa bolaodi ba Eskom le Mokgatlo wa basebetsi feela.

Restructuring Committee (RC)

Ena ha se seemo sa Eskom Recognition Agreement pakeng tsa Eskom le mekgatlo ya basebetsi. Seemo sena se hlahile ho tswa ho National Framework Agreement (NFA) pakeng tsa Mmuso le Mekgatlo ya Basebetsi. Le hoja Eskom e se karolo ya NFA, Eskom e ikemiseditse ho ikokobeletsa moya wa NFA le ho o bontsha ka ditsamaiso le dipuisano ho e etsa hore e sebedisehe le tshebetso.

RC e fana ka mekhanisimi bakeng sa Eskom ho buisana ka ho kenya tshebetsong diqeto tsa leano la mmuso, le mekgatlo ya basebetsi ka tsela e loketseng haholo, ho ya ka moo e amang tsosoloso ya dikhampani tsa mmuso.

RC e na le ditho tsa Executive Management Committee (EMC) le Bangodi Kakaretso ba mekgatlo ya basebetsi. Bolaodi ba Eskom le mokgatlo wa basebetsi ba tjhentjhana ka ho okamela seboka sa RC.

Maemong ao ho ona ho ka tsohang phehisano ho tswa ho RC, taba yeo e romelwa ho Six-a-Side, komiti e lokisang diphehisano e nang le mmuso le mekgatlo ya basebetsi.

Puisano le bareki

Eskom e ananela bareki ba yona mme kamehla e buisana le bona. Kamehla ho fumanwa tlaleho ho tswa ho bareki ba rona le ditlhahiso sena se fana ka thuso e kgolo kgwebong ya rona.

Puisano le babeheletsi

Eskom e buisana le kamehla le babeheletsi ba yona ho etsa bonnete ba hore ba na le tlhahisoleseding ka diphetoho ka hare ho Eskom hape le dipontsho tsa ditseleng tsa kamehla tse tsamaisitsweng ho potoloha le naha.

DME, DPE le NERSA

Ka tsosoloso ya Indasteri ya Phepelo ya Motlakase, National Energy Regulator of South Africa (NERSA) e tla nahanela tlhopho ya mmaraka e nngwe ya mokgatlo le motlakase e fumanehang ho dumella tlhodisano le kgetho ya bareki mme kahoo e tlose monopholi wa Eskom ho fehlweng ha motlakase. NERSA e dumela hore ke ha bohlokwa bakeng sa naha ya rona ho ba le pono bakeng sa indasteri ya phepelo ya motlakase hore kaofela ha rona re tsebe tsela yeo re tsamayang ka yona. Phetoho ho indasteri e lokela ho rerwa, ho hlophiswa ka ho tswelangpele. Ho etsa bonnete ba katleho ya indasteri, NERSA e phahamisa di ntshetsopele e latelang:

• Motheo le tshebetso ya indasteri ya phepelo ya motlakase e sebetsang
• Tloso ya monopholi disekthareng tsa phehlo le kabo
• Ho ntlafatsa ditheko tsa mosebedisi wa sehlahiswa le makgetho
• Ho fa bareki tokelo ya ho kgetha mofepedi wa motlakase wa bona
• Ho etsa mmaraka wa motlakase
• Ho hlahisa tlhodisano ka hara indasteri, haholoholo sekthareng ya phehlo
• Ho bua ka kamo ya phehlo, phetisetso le kabo ya tikoloho
• Ho dumella phihlello e bulehileng, le e sa kgetholleng sistiming ya phetisetso
• Ho lekanya lebala la ho bapala pakeng tsa baabi ba motlakase
• Ho kgothalletsa dikgwebo tse ikemetseng hore di be le seabo indastering.

Department of Mineral and  Energy Affairs (DME) le na le tshusumetso e kgolo ya pholisi ka hare ho Eskom. Lefapha ha jwale le laela tsosoloso ya indasteri ka ho kgetheha e shebile ho indastering ya phepelo ya motlakase (EDI) mme indasteri ya kabo ya motlakase (EDI) ho etsa hore bahlahisi ba motlakase ba ikemetseng ba kene mmarakeng wa phehlo ya motlakase.

Ha lefapha la Mineral and Energy Affairs le susumetsa seemo sa mokgatlo Department of Public Enterprises (DPE) le susumetsa boemo ba yona ba ditjhelete sebakeng sa mmaraka hape le ho tiiseha ka tshebetso e tswileng matsoho ka puso ya kgwebo e sebetsang.

Tlhahisoleseding ya Setjhaba

Bakeng sa tlhahisoleseding e eketsehileng e fumanehang ho websaete, ka kopo sheba ho "Facts & Figures" e phatlaladitsweng saeteng ya Inthanete ya Eskom

Tlhahisoleseding e nngwe e ka fumaneha websaeteng ya rona http://www.eskom.co.za  

DIPATLISISO TSE NANG LE THUSO

Diwebsaete